Naor de thuusbladziede.
Hier staon mien
Stellingwarver Woordeliesten mit omdebi’j 25.000 woorden in de ASCII-volgodder
Nederlaans – Stellingwarfs en Stellingwarfs – Nederlaans. In september 2003
he'k de beide Woordeliesten in boekvorm uutgeven. Die bin rondomme in de
Stellingwarver boekwinkels nog de hieltied wel te koop (of rechtstreeks bi’j
mi’j te bestellen vanzels).
Disse liesten wodden mit regelmaote nog
anvuld mit (deurmekaander) een stok of vuventwintig ni'je
woorden die 'k tegenkomme in allerhaande Stellingwarver schrieveri'je. Daordeur
staot d'r inkeld ok wel es een woord tussen dat niet hielendal goed schreven is
neffens ét Stellingwarver Woordeboek (de Dikke Bloemhoff ).
Aj' een woord (of op een pat van een woord) zuken willen dan drok ie in de woordeliesten mar es op twie toetsen toegelieke, de
Ctrl en de F (Ctrl-F) en geef een pat van een woord of et hiele woord in daj’
zuken (dat kan in et Stellingwarfs of in et Nederlaans).
Opmarkings en anvullings bin slim welkom op mien
aemel-adres: Info@Compulaat.nl
Disse woordeliesten bin as lesmateriaol opneumen deur de webstee van: Leren.nl
Hoewel de riegels van de hoolder as oorspronkelike auteur van disse liesten gewoon
bestaon blieven, meuj’disse liest(en) veur eigen - niet kommersjeel gebruuk -
best naor je toe haelen (downloaden) mar vergis je niet in de omvang.
PAS OP, KIEK UUT:
Aj' ze uutprinten willen dan moej' wel rekenschop holen mit zoe’n vuuf- tot
negenhonderd bladzieden!!!!!
Veur de waore liefhebber is d'r - ommenocht, vergees, hielendal veur nop - een
Stellingwarver woordeliest beschikber as anvulling op de spellingskonterleerder
van MS-Word (Stellingwarfs.dic).
Te slotte is d’r ok nog - ok ommenocht, vergees, hielendal veur noppes - een typ-hulp bi’j et intikken van tekst beschikber. Aj’ dan twie, drie of meer letters van een Stellingwarfs woord intikken (in netzelde wat tekstverwarker) dan verschient automaoties een riegel woorden om uut te kiezen.